裘琪：英德 - 清远ABC.心情日记

两日既英德之行结束左啦,感觉最深既就系搭左好耐车啊,呢次既行程好仓促,星期五话去,星期六就去拉，林林下我地几个人真系好威啊!
29号一早,5点几就要起身啦,都未试过甘早起啊,不过都系要起啊,7点左右系客运站就开始出发去英德啊,都几期待咖.沿途系训晤着咖,唔系因为太兴奋啊,但就系训唔着,唔知道点解.

由于部车开得太快啦,所以张相入面既景物有少少倾斜啊,不过望出去成片都系田黎咖!

北江啊,我地部车系沿住江边走咖.
经过左3个半多钟既车程终于到左英德咋,不过我地部车真系好样衰啊,要去检测啊,检完一次都唔得,仲要检第二次啊,真系黑仔啊,于是我地就改搭当地既公交车啦,相比之下原来以前果台旧既12号系甘豪华咖!唔系夸张啊,12号有冷气咖!经过半个多钟既车程我地到左城西车站啦,系果度我地要转车,搭车去我地既目的地天门沟.由11点9搭到1几成2点啊,左车都左到傻啊!不过沿途见多好多蔗(仲多个榄核咖),桑树(好细棵咖),仲有就系冬瓜啦(好大个咖).

系呢个门口,我地犹疑左好耐,同想象中差好远,同网上差得多啦(再一次证明网上既图片真系好虚假咖!).不过去到就系要入咖,于是就系同阿门口阿伯既拉锯之下,无得便宜甘入左去啦,都系要我地60蚊啊,贵得离谱啊!

如果水多D既话就好啦!不过上山既路真系几辛苦咖!

D水真系清到见底咖!

我地就系住系呢地树屋入面咖啦,我第一次住咖咋,不过最遗憾既一样就系入面无电视咖!
总既黎讲,第一日就系漫长既搭车中度过,下午就行左上山,不过无行到上山顶,一黎唔够时间啊,二黎行到上山顶真系好累咖,好似话有成2千几米咖.不过有地住树屋都几好咖,人地话有松鼠咖,不过我无见到啊,羊就见到好多啦.
30号,我地就系搭翻车出市区啦,向另一个临时决定去既目的地————宝晶宫出发啦。
呢度D虽然无门沟甘大，但系比起天门沟就真系好好多，话晒都多野睇D啊！个溶洞真系好大啊！
下午我地就起程翻广州啦，呢次我地系搭火车翻广州咖！我系第一次搭火车咖咋，所以真系有D兴奋咖。

铁轨啊！
系我心入面英德到广州既火车应该3个钟度就得咖啦，点知足足左成成4个几钟啊，真系到腰骨都直晒啦，不过我知道一样野就系坐火车一定唔可以甘大意咖，千期唔可以全部人都训晒咖，唔系会好容易比人偷野咖！
不过总既黎讲呢次既旅程都系好好玩既，4个人自由行都几好啊！我地几个真系几勇咖！