哩个假期去咗清远3day自驾游～
虽然系自驾游但唔系我开亦都唔系坐我部车去～
全程做乘客～本来琳住唔系自己开车可以enjoy吓个假期～
点知条路鬼甘烂，被部车抛到甩肺～
既然摆脱唔到哩种痛苦咪唯有学习享受罗～抛吓抛吓又几过瘾喔～
系个PP坐车坐到好鬼痛同埋好痹～
11：30正式出发～估唔到路系甘漫长～7：30到目的地，8个钟～～都去到桂林罗～
最主要条路烂唔系应该6个钟可以到架啦～

第一站连南篝火晚会：
听讲唔错咪去睇吓罗～去到睇原来又系个D野～
去景点的表演来来去去都系甘上下嘅～睇到厌晒～
不过都会知道吓当地嘅民族风情～
跟住就揾酒店～当地的酒店同消费都唔算平但唔怕贵罗～
食饱饱就一觉训到大天光啦～训醒周身骨痛～


第二站三排瑶寨：
一路风景唔错清新自然～如果一路系步行上去就正罗～
有好多可取的摄影材料～可惜唔好意思叫人地停抵去影相～
民风朴素环境优美系度玩几日种几日田应该都几过瘾～
上去去个点都几好嘅不过好似未行晒就走罗～
见到D鸡仔好得意啊～影咗几张鸡仔相～哈哈～
最衰个天乌吓乌吓啦～如果天气好D，D相都会影得好D嘅～
好彩落雨落咗几分钟咋～唔系就无晒瘾罗～
逗留咗唔够一个钟就打道回府啦～
哈哈～3日的旅途先用咗唔够3个钟的时间去景点～！搞笑～
第二晚嘅夜晚打麻雀～最唔中意做埋晒D浪费青春嘅野架啦～
打到一点先训～第日咪成只熊猫甘款罗～饮埋餐茶正式翻中山～
翻到去都系觉得屋企最好～

哩次旅程嘅感受就系～个PP好痛～