8月6日，我去咗考驾驶执照既其中一项----连南，我地一车5个人（4个学员 1个教练），经过几个钟既行使，经过花都，清远，阳山，终于都到连南，虽然离目的地车管所仲有50公里，但一路以来既风景已经好正~特别系D山路，开得都惊险下，几好玩~可能每日都好多车行驶条路，又或者系路既建设质量一般，由清远开始条路已经开始好烂，好多坑，好多窿，开车一定要比较小心。可能係我个人驾驶技术比较好，所以呢段烂路都系教练叫我来开，当然我都不负众望，开得好稳好顺，6、70公里咁去躲避D坑，十足飘移！
一路上既山景真系好靓，系广州等大城市真系无机会见到，而且一片都系山，几道阳光透过蓝天白云，云既阴影系山上移动，真系好正！一路上沿途既村庄，都系比较旧同落后既村庄，好多好纯朴既村民，一路上见到好多牛啊鸡啊咁，城市人真系好少见。一路上风景最靓两个地方，都系阳山到连南路上，一个系十足长江三峡既地方，无论河流同山既形状同大小都同长江差不多，而且我地系山上开车，都系D比较危险既路，由路上睇落去几千米深既山下河流，系车上面你都咪话唔惊！仲有一个地方更靓，一眼望去远方，十几座大大小小既圆柱型小山丘，再加上太阳透过白云射下既N道阳光，真系好似梦幻仙景咁，好正好正，有机会大家一定要去睇啊~
经过N小时终于到我地既目的地，系果到见到更原始既村庄，更纯朴既村民，每个村民都着住传统既瑶族服装，感觉上汽车同村庄真系一个好大既反差对比啊！今次长途一D都无考试既感觉，感觉更加似自驾游，沿途风景好靓~好可惜无带相机，不过带咗都影唔到D咩~好希望果到永远都唔会被污染，被破坏！